ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

BREAKING NEWS: សម្ដេចតេជោ ថាការជំរុញសន្ដិភាពនៅក្នុងតំបន់ត្រូវគិតពីការអភិវឌ្ឍនិងមិនត្រូវប្រឆាំងប្រទេសណាមួយ

  • ចុះផ្សាយថ្ងៃទី១១ ខែមករា ឆ្នាំ២០២២ ម៉ោង ១២:៣២ នាទី ដោយ Hun Sirivadh
  • 2196
  Aa |   aA

ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានប្រាប់ទៅអគ្គនាយកសហព័ន្ធសន្ដិភាពសកល លោក យុន យ៉ុងហូ ថាការជំរុញនិងរក្សាសន្ដិភាពក្នុងតំបន់អាស៊ីប៉ាស៊ីហ្វិកត្រូវមានគោលការចំនួន៣គឺ គោលដៅគាំទ្រសន្ដិភាព និងការអភិវឌ្ឍ មិនត្រូវប្រឆាំងក្រុមណា ឬប្រទេសណាមួយ និងគាំទ្រទស្សនទានអាស៊ានសម្រាប់អាស៊ីប៉ាស៊ីហ្វិក។

រដ្ឋមន្ត្រីអមនាយករដ្ឋមន្ត្រី លោក កៅ គឹមហួន បានប្រាប់អ្នកសារព័ត៌មានបន្ទាប់ពីជំនួបរវាងនាយករដ្ឋមន្ត្រីកម្ពុជា សម្ដេចតេជោ ហ៊ុន សែន ជាមួយលោក យុន យ៉ងហូ ថាជំនួបនៅព្រឹកនេះគឺដើម្បីប្រមូលផ្ដុំនិងទទួលយោបល់ពីសម្ដេចតេជោក្នុងការរៀបចំកិច្ចប្រជុំកំពូលស្ដីពីសន្ដិភាពនៅឧបទ្វីបកូរ៉េឆ្នាំ២០២២ ដែលសម្ដេចតេជោនឹងអញ្ជើញចូលរួមដោយផ្ទាល់នៅថ្ងៃទី១២ និង ១៣ ខែកុម្ភៈ ខាងមុខ។

ក្នុងឱកាសនោះដែរលោក យុន យ៉ងហូ បានគាំទ្រចំពោះកិច្ចការរបស់សម្ដេចតេជោដែលធ្វើដំណើរទៅប្រទេសមីយ៉ាន់ម៉ាកាលពីថ្ងៃទី៧ ខែមករា កន្លងទៅនឹងទទួលបានជោគជ័យក្នុងការសម្រេចបានការពន្យាបទឈប់បាញ់រហូតដល់ចុងឆ្នាំ២០២២ ការគាំទ្រដល់ប្រេសិតពិសេសអាស៊ានទៅមីយ៉ាន់ម៉ា និងការផ្ដល់ជំនួយដល់ប្រទេសនេះផងដែរ។ លោកចាត់ទុកការងាររបស់សម្ដេចតេជោក្នុងនាមជាប្រធានអាស៊ាននៅដើមឆ្នាំគឺជាផ្លែផ្កាដ៏ជោគជ័យមួយក្នុងការរក្សាសន្ដិភាពក្នុងតំបន់ក៏ដូចជានៅប្រទេស មីយ៉ាន់ម៉ា។

សម្ដេចតេជោ ហ៊ុន សែន បានឱ្យជាគំនិតថាកិច្ចការរក្សាសន្ដិភាពសាកល ជាពិសេសនៅតំបន់អាស៊ីប៉ាស៊ីហ្វិក ត្រូវមានគោលដៅ៣គឺ គាំទ្រនូវសន្ដិភាព និងការអភិវឌ្ឍ មិនត្រូវប្រឆាំងនឹងក្រុម ឬប្រទេសណា និងគាំទ្រមជ្ឈមភាពអាស៊ានក៏ដូចជាទស្សនទានអាស៊ានសម្រាប់អាស៊ីប៉ាស៊ីហ្វិក។

គូររំលឹកផងដែរថា កាលពីថ្ងៃទី១២ ខែកញ្ញា ឆ្នាំ២០២១ មហាសន្និបាតនៃក្ដីសង្ឃឹមលើកទី៧ ដែលរៀបចំដោយសហព័ន្ធសន្ដិភាពសាកលដែលជាបណ្ដាញអង្គការអន្តរជាតិ បុគ្គលល្បី និងអ្នកសាសនា បានផ្ដល់មេដាយមាសសន្ដិភាពពិភពលោកជូនដល់ សម្ដេចតេជោ ហ៊ុន សែន ដោយថាសម្ដេចបានដើរតួសំខាន់ក្នុងការជួយឱ្យឧបទ្វីបកូរ៉េ និងពិភពលោកឱ្យរក្សាបាននូវសន្ដិភាព។ សម្ដេចតេជោក៏នឹងត្រូវបានអញ្ជើញចូលរួមក្នុងកិច្ចស្ដីពីសន្ដិភាពនៅឧបទ្វីបកូរ៉េឆ្នាំ២០២២ នៅខែក្រោយដោយការចូលរួមពីអតីតអគ្គលេខាធិការអង្គការសហប្រជាជាតិលោក បាន គីមមូន ធ្វើជាសហប្រធាន និងមេដឹកនាំប្រទេស ឥស្សរជន និងប្រជាពលរដ្ឋ ពីប្រទេសចំនួន១៥៧ ចូលរួមតាមអនឡាញប្រមាណជាង ២០ម៉ឺននាក់ ដោយមានប្រព័ន្ធផ្សព្វផ្សាយប្រមាណ ៣ ៥០០ ក៏នឹងចូលរួមផ្សព្វផ្សាយពីកិច្ចប្រជុំនេះផងដែរ៕


ព័ត៌មានជាច្រើនទៀតសម្រាប់អ្នក